Ўзбекистон ҳукумати автотранспорт воситалари ижарасининг янги минимал ставкасини белгилади. Минимал ставкалар автотранспорт воситаларини ижарага олишда солиқ базасининг камайишига йўл қўймаслик мақсадида белгиланди. Ставкалар автотранспорт турига қараб алоҳида белгиланган. Енгил автомобиллар учун ойлик минимал ижара ставкаси 330 минг сўмни ташкил қилади (2016 йилда - 220 минг сўм), бошқа транспорт турлари (микроавтобуслар, автобуслар, юк машиналари) учун - 645 минг сўм (430 минг сўм).